Breaking News:Mzee Kingunge Ngombale–Mwiru afariki dunia

Mzee Kingunge Ngombale–Mwiru amefariki dunia alfajiri  Ijumaa Februari 2, 2018

Mwanasiasa mkongwe Kingunge Ngombale-Mwiru, 87, amefariki dunia. 

Mzee Kingunge amekuwa akitibiwa katika Hospitali ya Taifa ya Muhimbili jijini Dar es Salaam.

Mwanasiasa huyo mkongwe alilazwa hospitalini mwanzoni mwa Januari akiuguza majeraha ya kushambuliwa na kung'atwa na mbwa nyumbani kwake na akafanyiwa upasuaji.

Alikuwa mmoja wa viongozi wa muda mrefu na miongoni wa watu waliokuwa na ushawishi katika Chama cha Mapinduzi (CCM) hadi alipojiuzulu kutoka kwenye chama hicho Oktoba 2015.

Bw Kingunge alikuwa amehduumu katika CCM tangu kuanzishwa kwa chama hicho mwaka 1977.

Mke wake, Peras, alifariki dunia mwezi uliopita akitibiwa pia Muhimbili baada ya kulazwa kwa miezi kadha.