WAITARA MGUU KWA MGUU NA TARURA HADI JIMBONI

 Mbunge wa jimbo la Ukonga,Mhe.Mwita Waitara (katikati) akimuonesha Mhandisi kutoka mawakala wa barabara za mijini na Vijijini (TARURA) mkoa wa Dar es Salaam ubovu wa daraja la mongo la ndege lililopo kata ya Ukonga  katika ziara ya kukagua  uharibifu  wa miundo mbinu ya jimbo hilo jijini  leo.Kulia ni Diwani wa kata hiyo,Jumaa Mwipopo.

 Mbunge wa jimbo la Ukonga,Mhe.Mwita Waitara akiwa pamoja na Wahandisi kutoka Mawakala wa barabara za mijini na vijijini (TARURA) wa Mkoa wa Dar es Salaam na wa Wilaya ya Ilala katika daraja la Mongo la ndege lililopo kata ya Ukonga katika ziara ya kukagua  uharibifu  wa miundo mbinu ya jimbo hilo jijini leo.

Mbunge wa jimbo la Ukonga,Mhe.Mwita Waitara akikiangalia kivuko cha Saku kilichopo kata ya Mzinga katika ziara ya kukagua  uharibifu  wa miundo mbinu ya jimbo hilo jijini Dar es Salaam leo.

Na mwandishi wetu

Mbunge wa Jimbo la Ukonga,Mhe.Mwita Waitara afanya ziara Kata ya Mzinga, Kivule, Msongola na Ukonga akiwa amewaalika Mainjinia wa Mawakala wa Barabara za mijini na Vijijini (TARURA) Mkoa Dar es Salaam na wa Wilaya ya Ilala kwa ajili ya kukagua uharibifu wa miundo mbinu ya Jimbo la Ukonga yakiwemo Madaraja, Vivuko pamoja na barabara zenye mashimo makubwa Kata mbalimbali na mitaa mbalimbali ndani ya Jimbo.