WAITARA ASHIRIKI MAZOEZI YA MBIO ZA POLEPOLE NA VIKUNDI VYA MAJOHE

Mbunge wa jimbo la Ukonga,Mhe.Mwita Waitara akiwa katika mazoezi ya mbio za taratibu na baadhi ya vikundi mbalimbali vya kata ya Majohe na kutekeleza ahadi zake alizoahidi kwa wakazi wa kata hiyo jijini Dar es Salaam jana.

Mbunge wa jimbo la Ukonga,Mhe.Mwita Waitara akiwa katika picha ya pamoja na baadhi ya vikundi mbalimbali vilivyopo katika kata ya Majohe jijini Dar es Salaam jana baada ya kushiriki mazoezi ya mbio za polepole pamoja kutekeleza ahadi zake alizoahidi kwa vikundi.

Mbunge wa jimbo la Ukonga,Mhe.Mwita Waitara akikabidhi mpira kwa baadhi ya wawakilishi wa vikundi mbalimbali baada ya kushiriki  mazoezi ya mbio za polepole pamoja kutekeleza ahadi zake alizoahidi kwa vikundi.

Mbunge wa jimbo la Ukonga,Mhe.Mwita Waitara akiwa katika mazoezi ya viungo na baadhi ya vikundi mbalimbali.

Na mwandishi wetu

Asubuhi ya jana  Mbunge wa Jimbo la Ukonga Mhe.Mwita Waitara alishiriki mazoezi ya mbio za polepole Kata ya Majohe 

Walianzia Rada mpaka Relini na baadae walirudi tena Rada wakiwa kwenye mazoezi hayo ya mbio za polepole 

Huu ni mwendelezo wa Mhe' Waitara kutekeleza ahadi zake kwa vikundi mbalimbali kama alivyowaahidi na muda si mrefu atafanya utaratibu huu wa michezo kwa kila Kata ndani ya Jimbo lake la Ukonga lenye jumla ya Kata 13

Na baada ya mazoezi  jioni ya siku ya jana pia Mhe. Waitara alihudhuria kwenye Mkutano wa hadhara uliofanyika eneo la Mazizini Kata ya Ukonga kwa ajili ya kuongea na wananchi kuwajulisha miradi iliyotekelezwa na Halmashauri ya Ilala pamoja na ile iliyotekelezwa na mfuko wa Jimbo.

Pia alipokea kero mbalimbali kutoka kwa wapiga kura wake na aliwaahidi kuzifanyia kazi kadri iwezekanavyo.