WAITARA AITIKA WITO WA WAKAZI WA PUGU

Mbunge wa Jimbo la Ukonga Mh.Mwita Waitara (kushoto) akizungumza na wakazi Kata ya Pugu Mtaa wa Bombani jijini Dar es Salaam jana katika mkutano wa wakazi hao kujadili masuala ya upimaji ardhi pamoja kusikiliza kero nyingine za Kata kwa ujumla.Katika mkutano huo Mbunge alikuwa ni Mgeni rasmi.

Baadhi ya wakazi wa Kata ya Pugu Mtaa wa Bombani wakisikiliza kwa makini mada zitolewazo na Mgeni rasmi ambaye ni Mbunge wa jimbo la Ukonga,Mwita Waitara pamoja na viongozi wengine katika mkutano wa wakazi hao kujadili masuala ya upimaji ardhi jijini Dar es Salaam.

Na mwandishi wetu

Mbunge wa Jimbo la Ukonga Mhe.Mwita Waitara ameshiriki Mkutano wa wananchi wa Kata ya Pugu mtaa wa Bombani jijini Dar es Salaam jana baada ya kualikwa na Diwani wa Pugu, Bonventure Mphuru 

Agenda kuu ya Mkutano huo ilikuwa ni upimaji ardhi zoezi ambalo liliibuliwa na wananchi na baadae wakawasillisha kwa viongozi wa mtaa wao na Kata 

Mengineyo yaliyojitokeza kwenye mkutano huo ni masuala ya barabara mbovu eneo la Kisumu kuelekea kwa IGP mstaafu Mzee Mwema kwani mvua zikinyesha kidogo njia hiyo haipitiki kabisa .

Mhe. Mbunge amewaahidi atawasiliana na diwani ili wapate ufumbuzi wa barabara hiyo kwa kuwasumbua Wakala wa barabara za mijini na Vijijini (TARURA) 

Pia Mhe. Mbunge amewasihi wananchi waiamini kamati ambayo inasimamia zoezi la upimaji ardhi ili wafikie malengo waliojiwekea wenyewe kwani kamati ni miongoni mwa wananchi walioomba kupimiwa maeneo yao 

Mwisho Mhe. Mbunge amewaomba wananchi wa Pugu watumie nafasi ya upendeleo kufika ofisi ya Mbunge kila Jumatano kuonana nae yeye mwenyewe kwani ofisi ipo kwenye Kata yao hakuna gharama kumuona Mbunge.