NBC yatoa wito kwa wazazi kuwafungulia watoto wao Chanua Akaunti ya NBC

Meneja Huduma Bora wa NBC, Jane Dogani akiwawekea chakula baadhi ya watoto wa wateja wa benki hiyo wakati wa hafla ambayo NBC iliwaandalia watoto hao ikiwa ni sehemu ya matukio ya benki hiyo kuadhimisha mwezi wa huduma kwa wateja. Hafla hiyo ilifanyika jijini Dar es Salaam jana.

Kaimu Mkurugenzi wa Wateja Binafsi wa benki ya NBC, Benjamin Nkaka akizungumza na watoto wa wateja wa benki hiyo pamoja na wafanyakazi kuhusu umuhimu wa wazazi kuwafungulioa watoto wao akaunti ya Chanua na pia bima ya elimu ya educare ili kuwapa uhakika wa elimu watoto wao wakati wawapo hai ama wasipokuwepo katika hafla ambayo NBC iliwaandalia watoto hao ikiwa ni sehemu ya matukio ya benki hiyo kuadhimisha mwezi wa huduma kwa wateja. Hafla hiyo ilifanyika jijini Dar es Salaam jana.

Ofisa Malipo ya Ndani wa NBC, Suzyo Gwebe Nyirenda akikabidhi zawadi kwa baadhi ya watoto wa wateja wa benki hiyo katika hafla ambayo NBC iliwaandalia watoto hao ikiwa ni sehemu ya matukio ya benki hiyo kuadhimisha mwezi wa huduma kwa wateja. Hafla hiyo ilifanyika jijini Dar es Salaam jana.

Meneja Huduma Bora wa NBC, Jane Dogani akikabidhi zawadi kwa baadhi ya watoto wa wateja wa benki hiyo katika hafla ambayo NBC iliwaandalia watoto hao ikiwa ni sehemu ya matukio ya benki hiyo kuadhimisha mwezi wa huduma kwa wateja. Hafla hiyo ilifanyika jijini Dar es Salaam jana.

Baadhi ya watoto waliohudhuria katika hafla hiyo wakichorwa picha ikiwa ni sehemu ya shamra shamra zilizokuwepo katika kuadhimisha moja ya matukio ya mwezi wa huduma kwa wateja ambapo NBC iliandaa sherehe hiyo kwa watoto wa wateja wao.

Baadhi ya watoto walihudhuria hafla hiyo wakifurahia burudani mbalimbali zilizokuwepo katika siku hiyo ikiwa ni moja ya matukio ya NBC kuadhimisha mwezi wa huduma kwa wateja.

Na Mwandishi wetu,

BENKI ya Taifa ya Biashara (NBC), imetoa wito kwa wazazi kote nchini kufungua akaunti maalumu ya watoto ya Chanua pamoja na bima ya elimu ya Educare za benki hiyo ili kuwapa uhakika wa elimu watoto wao pindi wawapo hai ama wasipokuwepo.

Wito huo umetolewa jijini Dar es Salaam hivi karibuni na Kaimu Mkurugenzi wa Wateja Binafsi wa benki hiyo,  Benjamin Nkaka katika hafla waliyoiandaa kwa ajili ya watoto wa wateja wao ikiwa ni sehemu ya matukio ya kuadhimisha Mwezi wa huduma kwa wateja wa NBC.

Mkurugenzi huyo alisema akaunti ya watoto ya Chanua ya NBC pamoja na bima ya elimu ya educare vitamuwezesha mzazi kuanza kuwekeza kidogodogo kwa ajili ya mtoto wake hivyo kuondoa hofu ya watoto kupata elimu  bora pindi  mzazi  anapoondoka duniani.

“Akaunti ya Chanua na bima ya Educare za NBC ni suluhisho la uhakika kwa elimu ya watoto, wakati mzazi awapo duniani,asipokuwepo au atakapotapa ulemavu wa kudumu, nawashauri wazazi kuwafungulia watoto wenu akaunti hii na kuanza kuwekeza pamoja na bima ya educare zote kutoka NBC,” alisema.

Kuhusu hafla hiyo Bwana Nkaka alisema NBC imekuwa na desturi ya kukutana na wateja wao mara kwa mara ikiwa ni moja ya azma yao ya kusogeza huduma zao karibu na wateja wao hivyo licha ya kuwaeleza watoto  walioambata na wazazi wao bidhaa mbalimbali zinazotolewa na benki hususan zinazowalenga watoto, lakini pia watoto walishiriki burudani za aina mbalimbali jambo ambalo ni muhimu katika malezi ya watoto.

“NBC imekuwa ikibadilika siku hadi siku tukitumia njia mbalimbali katika kuwafikia wateja wetu, licha ya kuwa na mtandao mpana wa matawi lakini pia tumeanzisha NBC Kiganjani inayomuwezesha mteja kupata huduma mbalimbali za kibenki kwa kupitia simu yake ya mkononi.

“Lakini hii haitoshi NBC inao mtandao mkubwa wa mawakala wake wakitoa huduma mbalimbali za kibenki nchini kote, lakini hivi karibuni tumeingia ushirika na Shirika la Posta ambapo wateja wetu wanaweza kupata huduma zetu za kibenki katika ofisi zote za shirika hilo mahali kote nchini,” aliongeza mkurugenzi hiuyo.