WAJASIARIAMALI WA KIVULE NEEMA YAWASHUKIA

Katibu Mwenezi wa Chama cha Demokrasia na Maendeleo (Chadema) kata ya Kivule,Bihimba Mpaya (wapili kulia) akizungumza na wafanyabiashara wadogo wadogo wa kata hiyo (hawapo pichani) jijini Dar es Salaam leo katika kikao cha tatu cha kuongea na wajasiriamali hao juu ya kuwapatia mikopo isiyokuwa na riba kutoka kwa Meya wa jiji Mhe.Isaya Mwita.Mikopo hiyo itatolewa kwa vikundi vya watu wanne wanne ambao watapewa shilingi Milioni tatu (3,000,000) watagawana kila mmoja Shilingi laki Saba na Hamsini (750,000) ambapo kila mtu mmoja atarudisha kwa mwezi shilingi 62,500 kwa  watu wanne itakuwa ni Shilingi 250,000/= kwa mwaka itarudi pesa ile ile bila riba.Meya wa jiji ametoa hizi pesa kutoka katika miradi ya jiji kwa dhumuni la kuinua wafanyabiashara wadogo wadogo kwani wafanyabiashra wengi wanashindwa kuendeleza biashara zao kutokana na kukopa kwenye mabenki kwa riba kubwa hivyo basi wanaposhindwa kulipa hufilisiwa biashara zao na vitu vingine.

Diwani wa Kata ya Kivule kupitia Chama cha Deomkrasia na Maendeleo (Chadema), Wilson Molel (wapili kulia) akizungumza na wafanyabiashara wadogo wadogo wa kata hiyo katika kikao cha tatu cha kujadili suala la kuwapatia mikopo isiyokuwa na riba kutoka kwa Meya wa Jiji, Mhe.Isaya Mwita kwa Vikundi vya watu wanne wanne ambvyo wanachama wavikundi hivyo watakopeshwa Shilingi Million tatu.Kutokana na vikundi hivyo kukosa ujuzi pamoja akaunti za vikundi Katibu Mwenezi wa Chadema kata ya Kivule,Ndugu Bihimba aliwaalika maofisa kutoka katika Benki ya Yetu Microfinance Bank Plc kwa ajili ya kutoa semina ya kuendesha biashara katika vikundi pamoja na kuwafungulia akaunti za Vikundi ambapo zoezi hilo litaanza Jumatatu Tarehe 28 katika kata ya Kivule.

Baadhi ya maofisa wa Benki ya Yetu Microfinance Bank Plc wakitoa semina kwa wafanyabiashara wadogo wadogo wa kata ya Kivule jijini Dar es Salaam leo juu ya kufungua akaunti za vikundi pamoja na mikakati kuendesha biashara zao.

Baadhi ya wafanyabiashara wadogo wadogo wa kata ya Kivule wakisiliza kwa makini mada zitolewazo na Diwani wa kata ya Kivule, Wilson Molel, Katibu Mwenezi wa Chadema kata ya Kivule, Bihimba Mpaya na Maofisa walioalikwa na Katibu kutoka katika Benki ya Yetu Microfinance Bank Plc katika kikao hicho.Huo ni mwendelezo wa viongozi wa Chama cha Demokrasia na Maendeleo kupambana katika kuinua uchumi pamoja na kupunguza idadi ya vijana wanaokosa ajira katika kata ya Kivule.